Po bisedojnë sot, që të na përulin prapë nesër

25 Janar 2017 - 12:01 - Gazmend Abrashi      

Rifillimi i bisedimeve në një kohë kur Serbia po e cenon sovranitetin tonë nga brenda dhe nga jashtë është përçmim që po ia bëjmë vetës tonë dhe miqve tanë që na kanë njohur pavarësinë.

Thuhet se edhe kur ndodh lufta, pas saj duhet biseduar qoftë edhe me armikun. Por, të bisedohet me ata që po na nënçmojnë, po na luftojnë me të gjitha mjetet e mbetura edhe pas kaq shumë pasojave që na kanë sjellë nga lufta, jo vetëm qe është e turpshme , por mbi të gjitha është e dëmshme dhe degraduese për shtetin tonë.

Rifillimi i bisedimeve në një kohë kur Serbia po e cenon sovranitetin tonë nga brenda dhe nga jashtë është përçmim që po ia bëjmë vetës tonë dhe miqve tanë që na kanë njohur pavarësinë.

Serbia ende ka pretendime territoriale ndaj Kosovës. Politika Milosheviçjane nuk ka vdekur , ajo veçse ka ndërruar fytyrë. Përkundrejt kësaj, Serbia pas çdo takimi që iniciohet po nxjerr favore duke i shtyrë përpara agjendat e saj, ndërkaq interesat e Kosovës në këto takime fatkeqësisht po mbesin gjithnjë nën hije dhe të margjinalizuara.

Cili është interesi i Serbisë në takimet e radhës të bisedimeve, mbetet të shihet?!...