Kush publikoi këngë, e kush pritet ta bëjë një gjë të tillë? [video]

3 Shkurt 2017 - 23:04      

Fillimi i muajit shkurt u karakterizua me publikimin e disa këngëve që njëkohësisht iu hapin rrugë projekteve të reja muzikore të artistëve vendas.

Në vargun e atyre të cilët lansuan këngë është reperi nga formacioni muzikor “BabaStars”, Agon Amiga.

Ai e publikoi të enjten në mbrëmje këngën “S’ke faj”, e cila është komentuar nga disa media të jetë tentativë e reperit prishtinas për ta kthyer ish-bashkëshorten.

Edhe pop-këngëtari tashmë i njohur në vend, Yll Limani, në po të njëjtën ditë, publikoi videoklipin e këngës së tij, “Shiu”, e realizuar në studion e producentit Florent Boshnjaku. Me këtë këngë, Limani mori pjesë në festivalin e fundvitit në Shqipëri, duke tentuar kështu të përfaqësonte Shqipërinë në Eurosong.

Gjatë muajit të dytë të këtij viti, kanë paralajmëruar se do të publikojnë këngë edhe disa artistë tjerë të estradës, të cilët vazhdojnë të jenë aktivë me projekte muzikore.

Kush publikoi këngë, e kush pritet ta bëjë një... by kohanet

© KOHA. Të gjitha të drejtat janë të rezervuara.