Artistja ndërkombëtare këndon ‘BonBon’ bashkë me Era Istrefin [video]

2 Shkurt 2017 - 14:54      

Kënga “Bon Bon” e Era Istrefit, ka kaluar çdo pritshmëri. Kjo këngë ka arritur të depërtojë në gjithë botën, duke u shndërruar në një hit të madh. Madje kjo këngë është pëlqyer edhe nga shumë artist botërorë, të cilët edhe kanë përkrahur këngëtaren kosovare.

U realizuan shumë video nga njerëzit anë e kënd botës, por e fundit që ka tentuar të këndojë “BonBon” në shqip, sipas KultPlus, është edhe këngëtarja e njohur e hitit “You will never know”, Imman.

Kjo e fundit shfaqet bashkë në një studio me Erën teksa kanë kënduar në duet këngën e 22 vjeçares. Të dy këngëtaret shfaqen shumë të afërta me njëra tjetrën, ndërsa fakti që ato gjenden në të njëjtën studion tingëllon si një mundësi për ndonjë bashkëpunim i cili mund të përfshihet në albumin e artistes kosovare i cili po pritet të vijë së shpejti.