Agon Amiga, gati për lansim të “S’ka faj” [video]

25 Janar 2017 - 21:10      

Njëri nga anëtarët kyç të labelit “BabaStars”, ka finalizuar klipin e këngës më të re, e cila sipas tij do të titullohet “S’ka faj”.

Agon Amiga këtë javë ka paralajmëruar për fansat se është duke punuar që sa më shpejtë ta plasojë projektin e tij muzikor, të parin për këtë vit.

Kjo këngë e re e reperit prishtinas, pas përfundimit të xhirimeve tashmë ka kaluar në postproduksion, ndërsa publikimi i saj, sipas një faqeje zyrtare të labelit “Babastars”, pritet të bëhet gjatë kësaj jave.

Kohët e fundit është spekuluar se Agon Amiga, po qëndron indiferent ndaj projekteve muzikore të realizuara nga shokët e tij të “BabaStars”, duke mos i përkrahur nëpër rrjete sociale.

Madje për reperin prishtinas, u spekulua se pritet largimi i tij nga “BabaStars”.

Të gjitha këto pretendime, i hodhi poshtë miku i Agonit, Skivi gjatë një interviste në fundjavë për emisionin “Express Pink”, i cili mes tjerash theksoi se ka individë që mundohen t’ia ulin reputacionin labelit, në të cilin bën pjesë ai.

Agon Amiga vitin e kaluar lansoi vetëm një projekt muzikor të titulluar “Qyqek”, të cilin ia kishte dedikuar bukuroshes Aferdita Dreshaj, e cila, siç raportohej në media , ishte shkaku kryesor pse Amiga u nda nga gruaja e tij, raporton Express i KTV-së.

© KOHA. Të gjitha të drejtat janë të rezervuara.