Korab Shaqiri, babai i një vajze apo djali? [video]

11 Janar 2017 - 20:27      

Pavarësisht që muaj më parë është bërë e ditur se Korab Shaqiri është në pritje të fëmijës së tij të parë, ai në media refuzoi të flasë rreth kësaj çështjeje, ndërsa gruaja e tij Lulkaçela, iu shmang maksimalisht syrit të publikut dhe mediave.

Pavarësisht kësaj, këngëtari për KTV-në ka bërë të ditur se gjendja e gruas së tij është stabile, duke treguar po ashtu edhe për gjininë e foshnjës, i cili është djalë.

Ai u shpreh se dëshira e tij ka qenë që fillimisht të ketë një vajzë, marrë parasysh se ai dhe vëllezërit tij janë rritur pa motër. Por megjithatë, ndihet i lumtur.

Korabi po ashtu foli se pse është munduar maksimalisht që gjithë këtë situatë ta mbajë larg mediave dhe publikut.

Ndërsa, sa i përket muzikës, kantautori bëri të ditur se gjatë këtij vitit do të jetë shumë më aktiv në skenë, me këngë e videoklipe po ashtu.

Gjatë 2016-ës, Shaqiri sa u përket projekteve muzikore nuk ka qenë shumë i angazhuar, megjithatë adhuruesit e muzikës së tij gjatë këtij viti, do të mund të presin disa projekte muzikore. 

© KOHA. Të gjitha të drejtat janë të rezervuara.