Era kërkon votën në garën ndaj Dua Lipës për çmimin EBBA [video]

8 Dhjetor 2016 - 21:28      

Këngëtarja e njohur kosovare, Era Istrefi, pak ditë pasi mori çmim nga “European Border Breaker Awards 2017”, është përfshirë në listën për çmimin e publikut.

Ceremonia për këngëtarin më të mirë sipas publikut do të mbahet më 11 janar, 2017 në Holandë dhe tani këngëtarja ka kërkuar votën e fansave të saj për garën në të cilën do të përballet me këngëtaren tjetër me prejardhje shqiptare Dua Lipa.

“Sa prej jush doni të më shihni si fituese e çmimit të publikut në EBBA më 11 janar? Nëse po, votoni për mua tani këtu: https://www.europeanborderbreakersawards.eu/en/vote/”, ka shkruar ajo.

Publiku ka mundësinë të votojë për të preferuarin deri më datën 23 dhjetor.

Çdo vit 10 artistë europianë marrin çmimin EBBA për të njohur suksesin e tyre në vende të tjera, përveç vendit të tyre. Suksesi përfshin “airplay”, shitjesh, performancat “live” në Europë dhe pozicionin në European Border Breakers Charts.

 

How many of you want to see me win the #EBBA public choice award on 11 january ? If so, vote for me now on the link below https://www.europeanborderbreakersawards.eu/en/vote/ thank you loves 💜

A video posted by Era Istrefi (@strefie) on Dec 8, 2016 at 11:56am PST

© KOHA. Të gjitha të drejtat janë të rezervuara.