Era Istrefi në garë për një tjetër çmim nga EBBA

8 Dhjetor 2016 - 11:12      

Tiranë, 8 dhjetor - Era Istrefi është në garë për një tjetër çmim nga EBBA, bën të ditur ATSH.

Publiku ka mundësinë të votojë për të preferuarin deri më datën 23 dhjetor. Ceremonia e ndarjes së çmimeve do të zhvillohet në 11 janar 2017 në Groningen, si pjesë e Eurosonic Noorderslagfestival.

Lajmi ka qenë surprizë dhe është trasmetuar nga në “Top Albania Radio” ku fituesj e një prej dhjetë çmimeve të European Border Breaker 2017, ishte Era Istrefi , ajo gjithashtu është në garë edhe për çmimin e publikut që ndahet sërish nga EBBA Awards.

E lindur në Prishtinë këngëtarja debutoi në 2013 me këngën e saj “Mani per money”. Singëlli i tretë i saj “Njo Si Ti” hyri në listat muzikore në Belgjikë, por ndërkombëtarisht, ajo u njoh me këngën “Bon Bon” duke arritur plot 233 milionë klikime vetëm në YouTube. Tashmë ajo po përgatit albumin e saj, ku ka firmosur me Ultra/Sony.

Çdo vit 10 artistë europianë marrin çmimin EBBA për të njohur suksesin e tyre në vende të tjera, përveç vendit të tyre. Suksesi përfshin “airplay”, shitjesh, performancat “live” në Europë dhe pozicionin në European Border Breakers Charts.