Mimoza Mustafa paralajmëron këngë solo [video]

6 Dhjetor 2016 - 18:14      

Këngëtarja Mimoza Mustafa është rikthyer së fundmi me “Qelibar” në bashkëpunim me Shkumbin Kryeziun dhe thotë se është kthyer për të mos u ndalur më.

Projekti i radhës do të jetë një këngë solo, për të cilën thotë se u është kthyer disa bashkëpunëtorëve të vjetër.

Kënga po punohet, ndërkohë siç paralajmëron këngëtarja, kah janari, ose më së largu në shkurt, pritet që të jetë gati për publikim. Këngës do t’i realizohet edhe videoklipi, raporton “Express” i KTV-së.

Në anën tjetër, Shkumbini këto kohë ka qenë i angazhuar rreth punës në Produksionin “Labia”, i cili pas shumë vitesh vjen prapë me një program festiv.

Këngëtarët në fjalë, bashkë me shumë kolegë të tjerë, kanë qenë shumë aktivë në një periudhë kohore, kur janë publikuar këngë të cilat i kanë qëndruar kohës. Për atë që po provohet këto vitet e fundit, Shkumbini është më kritik, derisa Mimoza thotë se skena jonë ka shumë këngëtarë të mirë, sidomos nga gjenerata e re.

Shkumbin Kryeziu ka një karrierë 30-vjeçare në muzikë, derisa Mimoza Mustafa afro 20 vjet. “Sadist”, “Pa koment”, “Le të digjet bota pa ty”, “Trenat pa binar”, “Katastrofë”, “Gentiana”, “Të kujtoj” e “Euridikë” janë disa nga këngët më të suksesshme të çiftit Mustafa & Kryeziu.

© KOHA. Të gjitha të drejtat janë të rezervuara.