Njihuni me “shqiptaren më të bukur në botë” [foto]

28 Nëntor 2016 - 13:23      

Ka dhjetëra shkrime në median zvicerane në lidhje me konkursin “Miss Shqiptarja”.

Arsyeja?

Konkursi më i madh i bukurisë në komunitetin shqiptar jashtë vendit zhvillohet në Zvicër.

“20 minuten” shkruan se për herë parë në historinë shqiptare është kurorëzuar “Miss Shqiptarja në Botë”, transmeton mapo.

Konkursi u mbajt në Club Rinora 4.

Fituese është një 17-vjeçare kosovare, e quajtur Medina Hajra.

Ajo është me origjinë nga Prishtina, por jeton në Suedi.

“Nuk u besoja syve, kur u thirr emri im,” thotë Hajra.

“Më pas e kuptova dhe isha kaq e lumtur që e plotësova ëndrrën time”.

“Kam marrë pjesë edhe në Miss Kosova në vitin 2016, por dola e treta,” shton ajo.

Hajra thotë se ka qenë kaq e lumtur sa ka fjetur me kurorën në kokë atë natë.

“Vetëm tani e kuptoj se jam zgjedhur si shqiptarja më e bukur. Të gjithë vajzat ishin të bukura, por unë mendoj se me natyrshmërinë time, vetëndërgjegjësimin dhe mënyrën pozitive, ia dola”.