Phil Collins rikthehet 10 vjet pas pensionimit me turne në Evropë

17 Tetor 2016 - 13:02      

Veterani i muzikës rok Phil Collins po rikthehet në skenën muzikore 10 vjet pas pensionimit me koncertet që do t’i mbajë në Londër, Paris e Cologne, raporton BBC.

Këngëtari dhe bateristi Collins ka thënë se vetëm do të këndojë në këto koncerte, të cilat do t’i mbajë në muajin qershor, transmeton Koha.net.

“Mendoj se vetëm do të këndoj, nuk mendoj se do të jem më ndonjëherë në gjendje të luaj si më parë”, është shprehur 65 vjeçari.

Ai është shprehur se ka menduar se do të pensionohet pa zhurmë, por me ndihmën e fansave dhe familjes ka thënë se ka rigjetur pasionin për muzikën.

“Kam menduar se do të pensionohem në heshtje. Por, falë fansae, familjes, dhe mbështetjes nga disa artistë të jashtëzakoshëm e kam rigjetur pasionin për muzikën dhe performancën. Kam ndërruar mendje. Po jetoj me fëmijët e mi, dhe ata duan që të fillojë përsëri rrugëtimin, të bëj gjëra të reja, dhe skam arsye përse mos ta bëj këtë”, ka thënë ai.

Collins, i cili kishte filluar karrierën si baterist dhe më vonë si këngëtarë i grupit “Genesis”, rikthehet në skenë me turneun evropian të quajtur “Not Dead Yet Live”.

© KOHA