Mozzik vjen me “Kancer” [video]

14 Tetor 2016 - 22:31      

Brenda një periudhe të shkurtër kohore, ai ka arritur të jetë ndër emrat më të kërkuar të muzikës në Kosovë. Projektet e tij kanë pasur çdo herë një pritshmëri të mirë nga publiku dhe rrjedhimisht, Mozzik aktualisht gëzon një numër të madh të fansave.

Si duket, Mozzik nuk ka të ndalur. Ai ka gati këngën e re, të titulluar “Kancer”, transmeton emisioni Express në KTV.

Kanceri është një temë e paprekur më parë nga Mozziku. Ai u ka kënduar dashurisë dhe temave të tjera sociale, derisa edhe për këtë të fundit ka një arsye që e sjell. Kënga nuk do të vijë me videoklip.

Ndryshe, këngëtari gjatë sezonit veror ka qenë tejet i angazhuar në mbrëmje të shumta muzikore në të gjitha vendet shqipfolëse. E konsideron vitin më të suksesshëm në karrierën e tij, bazuar në kërkesat që kishte.

Deri në fund të vitit, Mozzik do të sjellë edhe dy projekte, të cilat do të jenë në bashkëpunime.

Përveç Mozzikut, një numër i madh i projekteve muzikore do të publikohen nga “On Records” deri në fund të vitit. Këtu bën pjesë edhe bashkëpunimi i Kidës me Xhensilën.

“Kancer” do të publikohet të shtunën nga ora 20:00.

© KOHA. Të gjitha të drejtat janë të rezervuara.