Shfaqen fotografitë e pa publikuara të Amy Winehouse kur ishte e re

9 Tetor 2016 - 18:40      

Fotografi Charles Moriarty është duke punuar në një libër të quajtur “Before Frank”, një libër të cilin ai ia kushton shoqes së tij, këngëtares së ndjerë Amy Winehouse.

Në këtë libër ai shfaq Amyn, përmes fotografive të pa publikuara, kur ishte e re.

Libri i ri me fotografitë e pa parë deri më tani të së ndjerës Winehouse, të cilat janë bërë në vitin 2003 pak para lansimit të albumit të saj “Frank”, aktualisht është në prodhim, transmeton Koha.net. Prodhimi i këtij libri financohet nga fushata e Kickstarter.

Libri “Before Frank”, i cili pritet të lansohet së shpejti, është i përbërë nga fotografitë e bëra gjatë disa sesioneve të fotografive intime gjatë asaj periudhe.

Amy dhe Charles krijuan miqësinë gjatë sesioneve të fotografive dhe fotografitë e bëra shfaqin Amyn të lumtur, shëndetshme dhe të relaksuar, të cilat janë në kontrast me “breshëri” fotografish të cilat janë postuar në tabloidet e ndryshme në vitet e fundit të saj.

© KOHA