Aleksandër Gjoka, me album të ri? [video]

5 Tetor 2016 - 20:24      

Për të gjithë adhuruesit e autorit të këngëve “Kuturu”; “Imagjinoj” e “Ditë dimri” tashmë po vjen një lajm i mirë. Idhulli i tyre i rokut po përgatitet për realizimin e një albumi të përbërë nga njëzet këngë.

Meloditë e këngëve të reja të Aleksandër Gjokës, ka kohë që janë krijuar, ndërkohë ai është në kërkim të teksteve adekuate.

Gjoka, i cili konsiderohet të jetë një nga ikonat e rokut shqiptar, bëri të ditur për emisionin “Express” se së bashku me disa miq të tij këngëtarë, po planifikojnë të rikthehen në skenë përmes një koncerti madhështor, i cili pritet të mbahet në ditën e të dashuruarve.

Ai ka vite të shumta që nuk merr pjesë në festivale muzikore, mirëpo, Gjoka vazhdon të jetë produkt i tyre.
Këngëtari që tërë krijimtarinë e vet muzikore ia kushtoi melankolisë, në këtë intervistë u shpreh të jetë i kënaqur që në dekadën e fundit ka marrë hov zhvillimi i rokut brenda trojeve shqiptare.

© KOHA. Të gjitha të drejtat janë të rezervuara.