Eliza Hoxha pjesë e festivalit “Kënga Magjike”

5 Tetor 2016 - 20:07      

Është një prej këngëtareve të rralla shqiptare, këngët e së cilës kane mesazhe të fuqishme dhe dëgjohen për një kohë te gjatë.

Të qenit para publikut dhe të kënduarit live është ajo çfarë i fle në shpirt Eliza Hoxhës, pavarësisht që këtë e bën vetëm në festivale.

Kështu, për emisionin Express në KTV, këngëtarja ka bërë të ditur që do të jetë pjesë e edicionit të sivjetmë të festivalit "Kënga magjike".

"Po e bëjë të ditur që do të jem pjesë e festivalit "Kënga Magjike, kënga ka përfunduar dhe trajton një temë sociale. Ka kohë që pjesë e festivaleve nuk bëhem me idenë e garës, por për ta përmbushur atë dëshirën me qenë para publikut" ka thënë ndër të tjerash Eliza Hoxha.

Projekti i saj i fundit është ai me titull “Ecjen ti vazhdo”, i cili u dedikohet grave që janë në luftë me sëmundjen e kancerit të gjirit.

Një intervistë më të zgjeruar, jo vetëm për “Kënga Magjike” por edhe për projektin e fundit dhe për planet në muzikë, do të mund ta ndiqni të premten nga ora 20:00 në "Express pink".

© KOHA. Të gjitha të drejtat janë të rezervuara.