Artistët në përkrahje të përfaqësueses kosovare [video]

5 Tetor 2016 - 18:53      

Dhjetëra aktorë të famshëm vendas morën rrugën të mërkurën drejt qytetit të bukur të Shkodrës, aty ku në mënyrë të organizuar pritet të jenë në përkrahje të Përfaqësuese së Kosovës në futboll, e cila të enjten mbrëma do të përballet me Kroacinë.

Pasi u takuan në një kafe të kryeqytetit, disa aktorë e regjisorë të tjerë që janë pjesë e organizatës “Bordi i bordeve”, duke u përshëndetur edhe me disa kalimtarë të rastit marshuan drejt Bibliotekës Kombëtare, ku pasi shkrepën disa fotografi, u shprehën të jenë tejet të bindur se Kosova do shënojë fitore ndaj Kroacisë. 

“Bordi i bordeve” është kjo organizata famoze e formuar nga këta aktorë të cilët kanë për detyrë të japin propozime se si duhet të luajë Kosova dhe çfarë këngë duhet të transmetohen gjatë pjesëve ku luan Përfaqësuesja më e re në Botë.

Shpresojmë se prania e kryetarëve të “Bordit të bordeve” në tempullin e futbollit “Loro Boriçi” të Shkodrës do t'u sjellë fat lojtarëve të Kosovës që të marrin rezultat pozitiv në përballje ndaj Kroacisë.

© KOHA. Të gjitha të drejtat janë të rezervuara.