Valltari kosovar po përgatitet për garat ndërkombëtare [video]

29 Shtator 2016 - 21:56      

Valltari kosovar, Berat Haskaj, por i cili jeton në Zvicër prej vitesh ka nisur tashmë përgatitjet intensive për dy gara ndërkombëtare të vallëzimit, në njërën prej të cilave do të garojë vetë, derisa në tjetrën do të jetë bashkë me njërin prej valltarëve të studios së tij.

Kjo e fundit do të mbahet më 20 tetor në Zurich, derisa gara ku do të jetë i vetëm më 28 tetor, në Bern, raporton Express i KTV-së.

Për “Express Music”, Berati ka bërë të ditur se garën e 28 tetorit nëse arrin të fitojë, do të kualifikohet më pas për një tjetër garë ndërkombëtare të vallëzimit që do të zërë vend më vonë në Itali.

Berat Haskaj përndryshe është edhe anëtar i grupit të vallëzimit, “Future Steps”, me të cilin nuk mungojnë pjesëmarrjet nëpër ngjarje të ndryshme.

© KOHA. Të gjitha të drejtat janë të rezervuara.