Jessie J fiton gjyqin ndaj akuzës për vjedhje të melodisë së hitit të saj [video]

4 Shtator 2016 - 14:08      

Mbrojtja e këngëtares së famshme britanike, Jessie J, ka bindur Gjykatën e Nëntë të Qarkut në SHBA se pretendimi i një këngëtari kalifornian për vjedhjen e melodisë së hitit të saj të vitit 2011, “Domino”, nuk është i vërtetë.

Gjykata e Nëntë e Qarkut në SHBA thotë se këngëtari nga Kalifornia, Will Loomis, nuk ka arritur të vërtetojë që Jessie J, Dr. Luke dhe tekst-shkruesit e tjerë të këngës “Domino” kanë pasur qasje në hitin e tij të vitit 2008, “Bright Red Chords”, si dhe se të drejtat autoriale të tij nuk janë shkelur.

Beteja ligjore ka nisur më 2012, kur Will Loomis paditi këngëtaren britanike Jessica Cornish, e njohur si Jessie J, së bashku me grupin “Universal Music Group”, transmeton Koha.net. Ai pohoi se hiti “Domino” i këngëtares ka kopjuar melodinë vokale nga kënga e tij “Bright Red Chords”.

Megjithatë, gjykatësi Richard Clifton ka thënë se Loomis nuk ka prova të mjaftueshme në mënyrë që ky rast të trajtohet në gjyq.

Shikoni hitin e Jessie J, “Domino”:

Shikoni këngën e Will Loomis, “Bright Red Chords”:

© KOHA

© KOHA. Të gjitha të drejtat janë të rezervuara.