Një Rovena Dilo ndryshe [video]

2 Shtator 2016 - 23:19      

“Për një çast më ndali zemra”, “Ante i tokës sime”, “Dorëzohem” e “Rrëfimi” janë disa nga këngët e jashtëzakonshme të një prej këngëtareve shqiptare, e cila gjithmonë ka gëzuar një simpati të madhe të audiencës së gjerë.

Rovena Dilo është një nga këngëtaret e kompletuara dhe ka një karrierë të gjatë në skenë. Pjesëmarrjet e saj nëpër festivale kanë qenë të shumta dhe gjithmonë ka dalë me çmime.

Kishte një periudhë kohore kur ajo nuk ishte fare aktive në muzikë, derisa bëri një rikthim para dy vjetësh te “Kënga Magjike”. Aty u prezantua me këngën “Ne do puthemi”, raporton emisioni “Express” në KTV.

Kjo këngë, një realizim i çiftit kosovar, Aida Baraku & Armend Rexhepagiqi, solli një Rovenë krejtësisht ndryshe nga siç e kishim parë më herët. Dhe në fakt, ky ishte vetëm fillimi, meqë këngëtarja që nga ky moment vinte çdo herë e më ndryshe. 

© KOHA. Të gjitha të drejtat janë të rezervuara.