“On Records” ndihmon fëmijët e “SOS Fshatit” [video]

29 Gusht 2016 - 19:21      

Projekti i nisur në muajt e fundit të korrikut, me iniciativë të disenjatorit Rexhep Zylfiu, përfundoi sot me një gjest human.

Anëtarët e labelit “On records”, gjatë paradites, po bëheshin gati për ta vizituar “Sos fshatin”, me ç’rast do t’i gëzonin me dhurata fëmijët atje.

Libra, fletore, lapsa, kryesisht mjete shkollore, ishin ato çfarë kishin blerë për fëmijët.

Shumica e të hollave për këtë gjest bamirës u patën mbledhur nga takimi me fansat që anëtarët e “On Records” patën krejt në fillim të gushtit, raporton “Express” i KTV-së.

Organizatori i kësaj pohon se ideja e këtij organizimi që nga fillimi ishte për t’iu dalë në ndihmë fëmijëve që kanë nevojë, aq më tepër në këtë fillim të këtij viti shkollor.

Fëmijët janë ata që më së shumti iu gëzuan kësaj vizite. Fytyra të buzëqeshura dhe plot dashuri.

Në anën tjetër, drejtoresha për mbledhjen e fondeve, Albana Zogu, u shpreh se pavarësisht donacioneve, çdo ndihmë është e mirëseardhur në “SOS Fshat”.

Zylfiu bëri të ditur se kjo është vetëm nisma e projekteve të tij të tilla, pasi këtë do ta vazhdojë me artistë të tjerë.

© KOHA. Të gjitha të drejtat janë të rezervuara.