Sparrow debuton me “Llegend” [video]

24 Gusht 2016 - 21:03      

Pasi shkroi tekste për disa projekte muzikore të këngëtarëve më në zë të estradës, reperi prishtinas Sparrow, ka pak ditë që ka debutuar në skenë me këngën “lLegend”.

Kjo këngë debutuese e tij përshkruan kryesisht përditshmërinë e reperit, të cilën e zhvillon në njërën nga lagjet e kryeqytetit.

Petrit Sefaj i njohur si Sparow, pas lansimit të projektit të tij të parë, theksoi për Express të KTV-së se është duke u përgatitur që gjatë sezonit të vjeshtës të prezantohet me disa këngë solo, e pastaj të punojë intensivisht edhe në ndonjë projekt të përbashkët në studion e njërit ndër producentët më të suksesshëm në vend, Don Arbas.

Sparrow në këtë intervistë tregoi edhe për emrin i tij artistik, me të cilin ka vendosur të shfaqet në publik.

Petriti, përpos këngëve të tij ai është autor i këngës së Besa Kokëdhimës “All in”, “Amazing” e Ana Kabashit, këngës së re të Florent Abrashit, e cila pritet të lansohet gjatë vjeshtës dhe disa këngëtarëve të tjerë. 

© KOHA. Të gjitha të drejtat janë të rezervuara.