E ardhmja e Nasyt D [video]

11 Gusht 2016 - 20:49      

Dy projektet e tij muzikore, të cilat i lansoi javë më parë, e kanë motivuar atë të eksplorojë në zhanre të ndryshme muzikore.

Rrëfimi i tij për hyrjen në skenën e rap muzikës, e cila zhvillohet në vend, lë të kuptojë se ai është futur në këtë “lojë” për të mos u dorëzuar.

Ky është reperi Nasty D, i cili në sezonin e kësaj vere është prezantuar para publikut me këngët “Me mu” dhe “Maja”.

Reperi me prejardhje nga Mitrovica, Driton Bekteshi – Nasty D, me këtë rrymë muzikore, që zanafillën e ka nga Amerika e largët, ka filluar të merret që para tetë vjetësh.

Motivi për të krijuar tekste në rap muzikë, ai thotë se i kishte lindur gjatë qëndrimit të tij me shokë në lagjen, në të cilën jeton, raporton “Express” i KTV-së.

Ai tregoi edhe për vështirësitë e një artisti të ri në vend, i cili vendos ta finalizojë një projekt muzikor.

Nasty D, gjatë kësaj interviste, tregoi edhe për planet e tij, ku nga shtatori i këtij viti, theksoi se do të punojë në realizimin e disa këngëve, të cilat pritet t’ia “krijojnë një vend” në hapësirën e rap muzikës vendase.

Gjurmimi i tij në rryma të tjera muzikore, të cilat janë në sinkron të muzikës rap, mbetet njëra ndër dëshirat më të mëdha të tij.

© KOHA. Të gjitha të drejtat janë të rezervuara.