Bleta që po depërton në muzikën shqiptare [video]

2 Gusht 2016 - 22:48      

Bleta Brovina është një këngëtare e re, e cila nuk ka shumë kohë që ka debutuar në skenën muzikore.

Përkundër kësaj, Bleta është duke punuar vazhdimisht dhe me ndihmën e bashkëpunëtorëve të saj deri tani ka lansuar dy videoklipe, të cilat këngëtarja i konsideron mjaft të suksesshme.

Projekti i fundit i Bletës është kënga me titull "Sa Najs". Të dy këngët që ka lansuar janë ritmike, mirëpo ajo thotë se në të ardhmen do të provojë zhanre të reja muzikore.

Përderisa për secilin detaj të projekteve të deritanishme janë përkujdesur bashkëpunëtorët e saj, në projektet e radhës do të shohim edhe pak nga idetë origjinale të Bletës, raporton Express i KTV-së.

Muzika ka qenë e pranishme në jetën e Bletës që në moshë të re, arsye kjo e cila e shtyu të vazhdojë të merrej me muzikë edhe si profesion.
Këngëtarja planifikon në të ardhmen të vijë më një këngë solo dhe po ashtu pritet të realizojë edhe një bashkëpunim.

© KOHA. Të gjitha të drejtat janë të rezervuara.