Rita Ora në ballinën e “Cosmopolitan” [foto]

1 Gusht 2016 - 15:17      

Rita Ora e ka publikuar një fotografi në rrjetin social Instagram, përmes së cilës ka paralajmëruar se do të përfshihet në ballinën e numrit më të ri të revistës “Cosmopolitan UK”.

Në fotografinë e kësaj balline, ajo shfaqet shumë simpatike dhe sensuale, me një grim të lehtë, dhe e veshur me një xhemper ngjyrë rozë dhe një palë atlete të markës Adidas.

Titulli që revista i ka vënë këtij shkrimi është “Si arriti Rita të shndërrohet nga një refugjat, në një superyll botëror”, transmeton emisioni Express Summer i KTV-së.

Ndër të tjera, këngëtarja me origjinë kosovare ka treguar se kjo intervistë i dedikohet 3-vjetorit të bashkëpunimit të saj me markën e njohur sportive Adidas.

Revista ende nuk ka dalë në shitje, por do të publikohet në 15 shtete të botës, me bukuroshen Ora në ballinën e saj.

 

I am so excited for this cover! thank you @cosmopolitanuk for publishing this cover in over 15 territories to celebrate my 3rd year collaborating with @adidasoriginals!!! OUT WED!! 💋

A photo posted by Rita Ora (@ritaora) on Aug 1, 2016 at 4:11am PDT

© KOHA. Të gjitha të drejtat janë të rezervuara.