Tenton të vjedh 7 miliardë dollarë sepse kështu dëshironte Krishti

8 Shkurt 2017 - 09:54      

Një person ka tentuar të vjedhë 7 miliardë dollarë sepse Jesus Krishti donte që ai të ishte shumë i pasur.

John Michael Haskew nga Lakelandi i Floridas, ka thënë se Zoti ishte në anën e tij kur transferoi 7 miliardë dollarë nga një bankë duke përdorur skema të ndryshme, raporton WFTV.

Gjatë seancës gjyqësore ai kërkoi fuqinë e Zotit që t’i dilte në krah.

Kur u pyet përse bëri këto transferime parash, ai ka thënë: “Jesus Krishti krijoi pasuri për të gjithë”.

“Duke përdorur skema, Haskew besoi se mund të siguronte pasurinë që kishte krijuar Krishti për të dhe se ajo i përkiste atij, thuhet në arsyetimin e gjykatës”, transmeton Koha.net.

Mbetet e paqartë se në cilin vend ai ka transferuar paratë, por hetuesit kanë thënë se Haskew mësoi vetë për industrinë bankare. Haskew është i papunë dhe i ka borxh të madh qeverisë.

Ai u shpallë fajtor për deklarata të rrejshme dhe pritet të dënohet me pesë vjet burgim dhe gjobë prej 250 mijë dollarëve.

© KOHA. Të gjitha të drejtat janë të rezervuara.