Hëna do ta shkatërrojë Tokën

7 Shkurt 2017 - 14:30      

Hëna çdo vit është duke u larguar nga Toka për 3.8 milimetra, por ekspertët kanë paralajmëruar se kjo gjë në të ardhmen do të ndryshojë.

Në një hulumtim të publikuar në revistën Forbes, dy trupat një ditë do të ndeshen, duke i dhënë fund ekzistimit të planetit Tokë.

Në rast se hëna ndeshet me Tokën, energjia e lëshuar nga përplasja do ta shkrinte Tokën në një oqean të magmës.

Kjo katastrofë parashikohet se do të ndodhë diku 65 miliardë vjet më vonë. Këtë parashikim e ka bërë Jason Barnes, shkencëtar planetësh në Universitetin e Idahos, transmeton Koha.net.

“Faza finale e evolucionit të sistemit Tokë-hënë në fakt do të ketë pasoja të mëdha pasi hëna do të përplaset me Tokën”, ka thënë Barnes.

Hëna është formuar 4.5 miliardë vjet më parë dhe vazhdimisht është larguar nga Toka.

© KOHA