Mark Zuckerberg padit fqinjët në Hawaii për të identifikuar se kush janë ata

19 Janar 2017 - 14:41      

Shefi ekzekutiv i Facebook, Mark Zuckeberg në vitin 2014 ka blerë një pronë gjigante për 100 milionë dollarë me 700 hektarë tokë në Kauai të Hawaiit, transmeton koha.net.

Në atë kohë ai ka blerë këtë pronë për ta shndërruar në tempull për familjen e tij, por pas tre viteve, Zuckerberg ka ndërruar fokusin e tij për të identifikuar pronarët e pronave rreth tij për t’u siguruar se ata janë transferuar dhe kompensuar si duhet.

Sipas Honolulu Star-Advertiser, dhjetëra parcela të vogla brenda pronës së Zuckerberg janë në pronësi të familjeve hawaiiane me të drejtën për “hyrje në pronën private të miliarderit”.

Por shefi i Facebook tani ka paditur disa qindra njerëz, disa prej të cilëve kanë vdekur, në një projekt për të gjurmuar pronarët e tokave.
Kjo çështje njihet si “kueana lands” (përgjegjësit e tokave), ose pasurive të patundshme që janë fituar fillimisht nga qytetarët e Hawaiit nëpërmjet një ligji të miratuar në vitin 1850.

© KOHA. Të gjitha të drejtat janë të rezervuara.