Japonezët shpenzojnë 20 miliardë euro në vit në baste për gara të kuajve

28 Dhjetor 2016 - 09:40      

Kuajt, biçikletat, anijet e shpejta dhe motoçikletat kanë një të përbashkët në Japoni - janë pjesë e një seleksionimi të vogël sportiv, në të cilat publiku edhe ligjërisht mund të vendosë baste, raporton CNN.

Garat e kuajve janë të veçanta, pasi pjesa më e madhe e njerëzve në Japoni vendosin baste në to. Në vitin 2015, është publikuar raporti, i cili ka zbuluar se bastet e vëna në garat e kuajve kanë arritur shumën prej 20 miliardë eurosh, transmeton Koha Ditore.

Këtë vit për herë të parë, japonezët janë lejuar të vënë baste edhe në garat e huaja të kuajve, mundësi që natyrisht nuk e kanë lëshuar për asnjë moment.

Për garën e muajit tetor të njohur si "Prix de l'Arc de Triomphe" më shumë se gjysma e vlerës së basteve është vendosur në Japoni, shumë herë më shumë se sa në Francë, ku është organizuar gara më e shtrenjtë e Evropës.

Naohiro Goda, analist i garave të kuajve në Japoni, ka insistuar se bastvënia ka ndihmuar në shpërthimin e sportit në shtetin e tij.

© KOHA