Kjo foshnje jetoi 41 ditë, por shpëtoi dy jeta tjera

21 Dhjetor 2016 - 20:25      

Theo Omondi ka ndërruar jetë vetëm pas 41 ditësh, por ai do të mbahet mend për një kohë shumë të gjatë.

Prindërit e tij, me krenari kanë pranuar që nga foshnja e tyre të hiqen mushkëritë për transplant në dy fëmijë tjerë, transmeton Koha.net.
Theo tashmë është dhuruesi më i ri në botë i mushkërive.
Njëra mushkëri iu dhurua një fëmije 5-muajsh dhe një tjetri më të rritur. Raportohet se transplanti është kryer me sukses dhe se jetët e tyre kanë vazhduar falë këtij transplanti.

Prindërit e Theos nuk kanë pranuar të identifikohen, por kanë thënë se kjo ka qenë një gjë që ndodhë për njëherë në jetë, por kanë folur edhe për vendimin e tyre.

“Ne besojmë se ai do të kërkonte që t’i ndihmonte të tjerët, nëse do të ishte në gjendje të rritej e të vendoste vetë”, citohet të kenë thënë ata.

© KOHA. Të gjitha të drejtat janë të rezervuara.