Britania lejon lindjen e bebeve nga tre prindër

15 Dhjetor 2016 - 13:35      

Bebet e bëra nga dy gra dhe një burrë janë miratuar nga rregullatori i fertilitetit të Britanisë së Madhe.

Ky veprim historik është bërë me qëllim të parandalimit të sëmundjeve vdekjeprurëse gjenetike.

Mjekët në Newcastle, të cilët po zhvillojnë këtë formë të përparuar të IVF –së, kanë filluar tashmë kërkimin për vezë të donatorëve.

Fëmija i parë i tillë mund të lind në fund të vitit 2017, shkruan BBC.

Disa familje kanë humbur fëmijët nga sëmundjet e shumta të pashërueshme mitkondriale, të cilat mund t’i lënë njerëzit me energji të pamjaftueshme për të mbajtur rrahjen e tyre të zemrës.

Fëmija do të mbajë një sasi të vogël të ADN-së së donatorit, por procedura është e ligjshme, etike dhe shkencërisht e mundur.