Hakohet sistemi i transportit në San Francisco, pasagjerët udhëtojnë falas

28 Nëntor 2016 - 09:09      

Sistemi i transportit në Sn Francisco është hakuar, gjë që iu ka mundësuar pasagjerëve që të udhëtojnë pa para, raporton BBC.

Hakerët kanë kërkuar 100 Bitcoin, vlera e të cilëve shkon në 66 mijë euro, transmeton Koha.net. Si masë paraprake, ata kanë ndalur të gjitha biletaritë në këtë sistem.

Kompjuterët nga ky rrjet i transportit, përfshirë të stacionet, ishin ndalur dhe në ekrane ishte shfaqur një mesazh nga ana e sulmuesve, në të cilën tregohej se sistemi është hakuar.

“Jeni hakuar, të gjitha të dhënat janë të koduara. Kontaktoni për çelësin ([email protected]) ID: 681, Enter”, thuhej në mesazhin e lënë nga hakerët.

Rreth 2 mijë makineri janë hakuar, dhe një zëdhënës ka thënë për BBC se nuk ka pasur ndikim në sistemin e sigurisë, apo të dhënat personale të konsumatorëve.

Agjencia Komunale e Transportit, e njohur si Muni, përkujdeset për trenat, tramvajët, dhe sistemin e autobusëve në qytet, përfshirë këtu edhe sistemin kabllor të makinave të San Franciscos.

Hakerët kanë për Hoodline të dielën se Muni kishte “një ditë më shumë” që të bënte marrëveshjen.

© KOHA