Suedia e Ukraina kualifikohen në Euro 2016

17 Nëntor 2015 - 22:42      

Suedia ka barazuar me Danimarkën me rezultat 2 me 2 në kuadër të takimit të dytë të barazhit për të siguruar kualifikimin në Kampionatin Evropian, që mbahet vitin e ardhshëm në Francë.

Suedia kualifikohet tutje pas fitores 2 me 1, të cilën e realizoi në shtëpi.

Zlatan Ibrahimoviq shënoi të dy golat për Suedinë. Fillimisht, sulmuesi me prejardhje boshnjake shënoi në minutën e 19-të, ndërsa rezultatin e dyfishoi në pjesën e dytë, për të vulosur gjithçka.

Riza Durmishi i Danimarkës asistoi në golin e parë të Danimarkës të shënuar nga Yussuf Poulsen në minutën e 81-të. Në minutat shtesë Vestergaard i dha shpresë Danimarkës duke barazuar gjithçka në 2 me 2, por kjo ishte krejt çka danezët arritën nga kjo ndeshje.

Kualifikimin e siguroi edhe Ukraina.

Ajo barazoi 1 me 1 si mysafire e Sllovenisë, por fitorja prej 2 me 0 në takimin e parë mjaftoi për kualifikimin tutje.

Cesar shënoi golin e vetëm për Slloveninë në minutën e 11-të, ndërsa Yarmolenko barazoi gjithçka në fund.

Suedia dhe Ukraina i bashkohen Hungarisë dhe Irlandës, që më herët siguruan kualifikimin përmes “play-offit”

© KOHA. Të gjitha të drejtat janë të rezervuara.