Ancelotti tregon respektin për Wengerin

15 Shkurt 2017 - 17:05      

Trajneri i Bayern Munichut, Carlo Ancelotti ka folur për respektin që ka për trajnerin e Arsenalit, Arsene Wenger, dhe e ka mbështetur për kritikat e fundit që ka marr.

E ardhmja e Wengerit tek Arsenali nuk është e sigurt, dhe spekulohet se pas këtij sezoni ai më nuk do të jetë pjesë e klubit anglez, transmeton Koha.net. Por, Ancelotti ka thënë se francezi duhet të çmohet shumë për punën që ka bërë.

“Ai ka ndërtuar një identitet të fortë dhe një stil të mirë futbolli. Wenger e ka përvojën për të ditur se kritikat në punën tonë janë normale, dhe për këtë arsye mendoj se ai nuk ka probleme. Kam respekt shumë të madh për punën që ai ka bërë tek Arsenali”, është shprehur Ancelotti, raporton BBC.

Ai këto komente i ka bërë në prag të takimit të sotëm Bayern – Arsenal.

© KOHA