Trepça ‘89 largon sulmuesin Demir Avdiç

14 Shkurt 2017 - 17:24      

Sulmuesi nga Novi Pazari, Demir Avdiç, nuk do të jetë pjesë e Trepçës ’89 në stinorin pranveror.

Ani pse u bë zhurmë e madhe ardhja e boshnjakut në skuadrën kampione të vjeshtës në elitën e futbollit kosovar, megjithatë nuk do ta shohim në futbollin kosovar.

Largimin e Avdiçit nga 89-shi e ka konfirmuar për Sportin në KTV drejtori sportiv i klubit mitrovicas, Veton Çitaku.

Ai ka thënë se futbollisti në fjalë nuk i ka përmbushur kriteret e kërkuara dhe klubi ka vendosur që ta largojë.

“E kemi marrë si përforcim në afatin e janarit, por nuk ka arritur të përmbushë atë që është kërkuar. Ai ka qenë në prova te skuadra jonë dhe e kemi pasur edhe në Turqi në përgatitje, por nuk ka arritur që të tregohet dhe e kemi liruar. Nuk ka qenë nivel që është kërkuar, pasi futbollistë të tillë kemi në skuadrën tonë sa të duash”, ka thënë Çitaku.

© KOHA. Të gjitha të drejtat janë të rezervuara.