E gjithëpushtetshmja Majlindë

13 Shkurt 2017 - 11:29      

E gjithëpushtetshme. Kampione e kampioneve. Kështu është quajtur Majlinda Kelmendi nga Federata Ndërkombëtare e Xhudos (IJF) pas suksesit të saj të fundit - medaljes së artë në garën prej më të mëdhave të xhudos, Grand Slam të Parisit.

Majlinda të shtunën, edhe njëherë, dominoi pa telashe në kategorinë deri 52 kilogramë, në të cilën tashmë ka medaljen e artë olimpike, dy tituj të botës për seniorë e dy tituj të Evropës, shkruan sot “Koha Ditore”.

25-vjeçares nga Peja nuk i morën asnjë pikë në katër luftërat që i zhvilloi në arenën më të madhe të xhudos, atë "AccorHotels Arena" në Paris. Ishin 11 mijë shikues në arenë në bllokun final të luftërave.

Majlinda, si bartëse e parë, nisi me një fitore të lehtë ndaj kanadezes Ecaterina Guica. Më pas mposhti francezen Astride Gneto dhe në gjysmëfinale amerikanen Angelica Delgado.

Në finale, Majlinda përballë e kishte japonezen Natsumi Tsunoda. Ishte vetëm përballja e parë me Tsunodan, që vetëm në dhjetor të vitit të kaluar ka nisur të përfaqësojë vendin ku ka lindur xhudo, në arenën ndërkombëtare. Majlinda ishte e sigurt në finale dhe arriti fitoren me një hedhje që e realizoi me kundërsulm... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.