Tifozi i Juventusit tentoi ta shihte ndeshjen nga spitali

10 Shkurt 2017 - 10:04      

Një tifoz i shëndoshë i Juventusit është përjashtuar nga spitali në Crotone, pasi kishte tentuar të shtrihej aty në mënyrë që të shihte ndeshjen e së mërkurës që Juventusi e fitoi 2:0 në udhëtim kundër Crotones, shkruan sot koha Ditore.

Kërkesat ishin aq të mëdha për ndeshjen e parë të Crotones kundër gjigantit italian, Juventus, saqë të gjitha biletat ishin shitur. Mirëpo, një tifoz i Juventusit mendoi se do të mundë të shikonte ngjarjen duke u shtrirë në spitalin "Ospedale San Giovanni di Dio Hospital", ku disa dritare të spitalit kanë pamje nga stadiumi "Enzo Scido".

Por, spitali ishte përgatitur mirë, pasi ishte përballur me tentime të ngjashme nga tifozët e dëshpëruar në vitin 2006, kur Juventusi ishte në Serie B.

Tifozët kishin thënë se janë të afërm të pacientëve në mënyrë që të shikonin ndeshjen falas nga dritaret e spitalit.

(gjerësisht, sot në “Kohën Ditore”).

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.