Conte paralajmëron lojtarët

3 Shkurt 2017 - 16:42      

Antonio Conte ka paralajmëruar lojtarët e tij te Chelsea që të jenë të përqendruar gjatë javëve të ardhshme, derisa ata po luftojnë për titullin e dytë të Premier Ligës brenda tre vjetëve të fundit.

Të shtunën “Blutë” në Stamford Bridge do të përballen me Arsenalin, ndeshje që vlerësohet se do të përcaktojë garën për titull, por trajneri italian dëshiron që skuadra e tij të jetë e përqendruar maksimalisht.

“Mund të ndodhë çdo gjë”, ka thënë Conte në konferencën për media. “Është e rëndësishme që t’i mbajmë antenat shumë lartë. Nëse dikush mendon se liga ka përfunduar, unë për këtë nuk jam i sigurt”.

“Dua që ta kem këtë tension, tensionin e duhur. Në të kaluarën unë kam luftuar për titull dhe e di se duhet të jemi të vëmendshëm. Kanë mbetur edhe 15 ndeshje dhe ka shumë ekipe të mira pas nesh”.

© KOHA