Goli: Të dëshpëruar me humbjen, krenar me paraqitjet

2 Shkurt 2017 - 20:49      

Përfaqësuesi i Kosovës në futsall, Fadil Goli pas humbjes nga Danimarka ka thënë se janë shumë të dëshpëruar me humbjen, por krenar me paraqitjet e bërë në këto ndeshje parakualifikuese.

Goli është golashënuesi më i mirë i Kosovës, pas tri ndeshjeve të para të Kosovës ndaj Norvegjisë, Qipros e Danimarkës, me tre gola të shënuara, transmeton Koha.net.

Kosova nuk arriti të shkojë në fazën tjetër të kualifikimeve për Evropian, pasi u mposht nga Danimarka me rezultat 1-2.

“Fatkeqësisht e humbëm ndeshjen e fundit të kualifikimeve dhe me këtë humbëm edhe gjasat për të kaluar grupin. Jemi shumë të dëshpëruar me humbjen e sotme pasi në minutat e fundit fati na ktheu shpinën, por edhe shumë krenar me paraqitjet tona sepse i kemi dhënë një imazh të mirë Kosovës”, ka shkruar Goli në Facebook.

Goli më tutje ka thënë se kjo garë dëshmon se Kosova ka potencial për futsall, vetëm duhet punë e disiplinë.

“Kemi bërë me dije se Kosova ka potencial për futsall, vetëm se duhet shumë punë e disiplinë. Ju falënderoj, unë dhe gjithë shokët e mi, për përkrahjen që na keni dhënë dhe që na keni mbështet gjatë gjithë kohës”, është shprehur Goli.

© KOHA. Të gjitha të drejtat janë të rezervuara.