Candreva: Ndaj Juves duhet të performojmë në nivelin më të lartë

1 Shkurt 2017 - 19:45      

Mesfushori i Interit, Antonio Candreva në prag të përballjes ndaj Juventusit ka thënë se ekipi i tij duhet të bëjë performancën më të të mundshme për të marrë pikë në udhëtim te kampioni italian.

Nerazzurët udhëtojnë të dielën në Torino për t’u përballur me Juventusin, që është lider i Serie A, transmeton Koha.net. Kurse Interi në anën tjetër është në një seri fitoresh në ligë.

“E dimë se do të jetë një ndeshje shumë e vështirë të dielën dhe duhet japim performancën më të mirë tonën dhe të përpiqemi maksimalisht”, është shprehur 29 vjeçari për Mediaset.

Ai më tutje ka thënë se do të jetë një ndeshje shumë e bukur, të cilën do ta shikojnë të gjithë.

“Është ndeshje shumë e rëndësishme, shumë e bukur dhe të gjithë do ta shikojnë. Ishte një atmosferë e jashtëzakonshme në San Siro në ndeshjen e parë dhe ne fituam. Momentalisht jemi në një formë të mirë, prandaj jemi të gatshëm të shkojmë atje dhe t’iu japim një ndeshje të vështirë”, është shprehur Candreva.

© KOHA