Caktohet data për duelin Klitschko-Joshua

1 Shkurt 2017 - 15:24      

Boksierët e peshave të rënda Wladimir Klitschko dhe britaniku Anthony Joshua, të martën kanë promo2vuar meçin e madh për titull bote.

Më 29 prill në Wembley, aty ku do të jenë të pranishëm 90 mijë shikues, do të ndeshen dy gjigantët e boksit botëror, për titullin e botës IBF, të cilin e mban Joshua dhe titujt WBA e IBO, që janë vakant.

Tyson Fury ishte kampion i botës, por për shkak të dënimit dhe tërheqjes së tij nga boksi, Joshua e Klitschko do të luftojnë edhe për dy titujt e lirë.

Joshua është pyetur nga gazetarët në New York, nëse ky meç ishte tepër herët për të, por ai ka thënë se është momenti i duhur dhe ai është i gatshëm për Klitschkon.

Ai kaloi në profesionalizëm pas Olimpiadës së vitit 2012 duke fituar 18 meqe që të gjitha më nokaut.

Kundërshtari i tij, Klitschko, i cili do të mbush 40-vjeç në mars, ka 64 fitore dhe vetëm 4 disfata në karrierën 20-vjeçare.

Gjermani ka përzier politikën në deklaratat e tij, por ka thënë se e respekton boksin dhe rivalin e tij.

© KOHA