Peja zgjedh rrugën e vështirë drejt titullit në BIBL

27 Janar 2017 - 12:01      

Skuadra pejane është pjesë e Grupit D në fazën e dytë të Ligës Ballkanike dhe do ta nisë atë me bilanc 1:1. Në grup ka Kumanovën që starton me bilanc 2:0, por ka edhe Karposh Sokolin, skuadrën që llogaritet favoritja më e madhe për të fituar këtë garë, shkruan sot Koha Ditore.

Grupi tjetër, ai C, vlerësohet më i lehtë dhe Peja, me një kalkulim të mërkurën mbrëma, do të mundë të bëhej pjesë e këtij grupi, madje edhe të startonte me bilanc 2:0. E tëra që i duhej ishte të humbiste ndaj Tiranës. Por, siç thotë trajneri i Pejës, Aleksandar Todorov, skuadra e tij luajti burrërisht.

Peja do t'i luajë edhe katër ndeshje me kundërshtarë të rinj në tentim për të arritur në gjysmëfinale të Ligës Ballkanike në basketboll. Peja është skuadra e vetme kosovare që ia ka dalë të kalojë fazën e parë në BIBL. Kampionia në fuqi, Sigal Prishtina, ka dështuar të kalojë grupin, njëjtë si Bashkimi e Trepça. Peja doli e para në Grupin B me bilanc prej shtatë fitoreve e katër humbjeve dhe do t'i luajë katër ndeshje me dy ekipe të Grupit A, në fazën e dytë që po ashtu luhet në grupe.

(më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.