Ish-mbrojtësi i Arsenalit i del në mbrojtje Xhakës

23 Janar 2017 - 18:48      

Ish-mbrojtësi i Arsenalit, Johan Djourou, ka mbrojtur mesfushorin shqiptar Granit Xhaka pas kritikave të shumta për kartonin e kuq në ndeshje me Burnleyn.

24-vjeçari u ndëshkua me kartonin e dytë të kuq te Arsenali pas një ndërhyrje të ashpër në Steve Defourin në pjesën e dytë. Ky ishte kartoni i tij i pestë i kuq në dy sezonet e fundit – më së shumti në top pesë ligat evropiane.

Xhaka ishte kritikuar nga kryetrajneri Arsene Wenger, legjenda e klubit Thierry Henry dhe shumë tifozë të klubit.

Tani Djourou ka mbrojtur Xhakën në një akuzë që iu bë atij në Instagram nga një përdorues tjetër.

“Përse duhet ta bëjë këtë (Të largohet Xhaka nga Arsenali)? Ai ka marrë kartonin e kuq, okej! Në fund fituam, kjo është me rëndësi! Dhe më lër të them diçka, Graniti jep gjithçka për fanellën e Arsenalit dhe ky është stili i tij i lojës andaj mos e kritikoni shumë! Ai luan me pasion. Do të mësojë”, ka shkruar reprezentuesi i Zvicrës.

 

Pëlqejeni faqen e Koha.net për sport
comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...