“Kosova në bisedime me trajnerë të njohur evropianë”

22 Janar 2017 - 23:01      

Arben Fetahu, zyrtar i Federatës së Basketbollit të Kosovës, ka konfirmuar se kjo federatë është në bisedime me disa trajnerë të njohur, për të zëvendësuar Arben Krasniqin në krye të përfaqësueses kosovare.

Pak muaj para para-kualifikimeve për Kosovën për “Botërorin 2019”, Fetahu ka thënë se Kosova është në bisedime me dy-tre trajnerë që kanë udhëhequr kombëtare të mëdha evropiane.

“Pasi i kemi ndeshjet në muajin gusht ne kemi nisur bisedime me dy-tre trajnerë të njohur që kanë udhëhequr kombëtare të mëdha. Nuk mundemi njëherë me vendorë, por na duhet një emër i njohur i basketbollit”, ka thënë ai në “Sporti Total” në KTV.

Fetahu ka konfirmuar po ashtu se Kosova pret që të ketë më shumë basketbollistë në dispozicion në krahasim me ndeshjet e kaluara.

© KOHA. Të gjitha të drejtat janë të rezervuara.