Tevez tregon klubin për të cilin Messi do të largohej nga Barcelona

22 Janar 2017 - 15:25      

Ylli argjentinas, Carlos Tevez beson se Lionel Messi do të vazhdojë të jetë besnik ndaj Barcelonës, ndërsa ka shtuar se Newell’s Old Boys është i vetmi klub që mund ta largojë atë nga Camp Nou.

Messi nuk e ka fshehur dëshirën e tij që të rikthehej në Argjentinë, transmeton Koha.net. Ai ishte pjesë e akademisë së Newell’s Old Boys kur ishte i vogël, dhe ishte transferuar më pas te Barcelona në vitin 2001.

Ai tashmë cilësohet si një nga më të mëdhenjtë e futbollit, kurse është i lidhur me një largim nga klubi katalunas.

“Renovimi i kontratës së tij me Barcelonën nuk është çështje parash, por është më tepër se çfarë i thotë zemra e tij. Është e vështirë të kesh lidhje aq të gjatë siç ka pasur Barcelona dhe Messi, dhe nuk mendoj se ai do të largohet. Por, ditën që do të largohet, mendoj se do ta bëjë që të shkojë në shtëpi për t’u bashkuar me Newell’s Old Boys, por ky është vendim personal i tij”, ka thënë Tevez për Marca.

Tevez javë më parë ka kompletuar transferimin e tij në Kinë te klubit Shanghai Shenhua.

© KOHA