Klopp thotë se Clyne e Henderson mund të luajnë të shtunën

20 Janar 2017 - 16:21      

Trajneri i Liverpoolit, Jurgen Klopp ka shpresa të mëdha se Nathaniel Vlyne dhe Jordan Henderson mund të luajnë në përballjen e të shtunës kundër Sëanseas, transmeton Koha.net.

Clyne mungoi në dy ndeshjet e fundit të Liverpoolit për shkak të dëmtimit të brinjëve gjatë ndeshjes së parë gjysmëfinale kundër ish-ekipit të tij, Southamptonit në EFL Cup.

Kurse Henderson ishte rikthyer në barazimin ndaj Unitedit dhe nuk ishte pjesë e ekipit në FA Cup kundër Playmouthit.

“Gjithçka po shkon mirë, Clyne dhe Hendo nuk ishin në stërvitje me ekipin deri tash, por do të kthehen sot. Clyne mund të bëjë dy sesione të vrapimit vetëm për të parë nëse mund të përballojë dhimbjen. E pashë dje dhe ishte shumë mirë. Hendo duhet të jetë mirë gjithashtu. Hendo ndjeu muskujt pak më tepër se që duhet, por kjo ka të bëjë me shërimin”, është shprehur Klopp për faqen zyrtare të klubit.

© KOHA