Klubi italian do të përforcohet me një yll gjatë verës

20 Janar 2017 - 13:32      

Ish-presidenti i Interit, Massimo Moratti është i bindur që një lojtar i madh do të zbarkojë në ‘Giuseppe Meazza’ gjatë afatit kalimtar, por ai nuk do të jetë Lionel Messi ashtu siç është raportuar ditëve të fundit, transmeton koha.net.

Argjentinasi është në përfundim të kontratës me Barcelonën dhe ende nuk ka vendosur për ta vazhduar atë dhe mediet italiane kanë shkruar se Interi është një prej ekipeve të interesuara për pesë herë lojtarin më të mirë të botës, por Moratti mohon një gjë të tillë.

“Nuk kam dëgjuar të jetë folur për Messin tek Interi”, ka thënë Moratti.

“Drejtuesit e klubit janë duke u përgatitur për një transferim të madh në të ardhmen, por nuk bëhet fjalë për Messin”.

Interi është në një seri të mirë të rezultateve në Serie A dhe ka ngjallur shpresat për një kualifikim të mundshëm në Ligën e Kampionëve.

© KOHA. Të gjitha të drejtat janë të rezervuara.