Mayweather përqesh McGregorin, dhe me ofertën për të luftuar ndaj tij

19 Janar 2017 - 18:26      

Ka shumë spekulime nëse do të ndodhë ndonjëherë meçi ndërmjet boksierit të pamposhtur Floyd Mayweather dhe kampionit në sportet luftarake të përziera (UFC), Conor McGregor.

Dhe pas një oferte prej 25 milionë dollarësh për secilin prej tyre nga ana e presidentit të UFC, Dana White, boksieri amerikan i njohur si “Money” është fyer nga kjo ofertë dhe së fundmi ka vënë në shënjestër irlandezin McGregor duke u tallur me të.

Ai ka postuar në Instagramin e tij të ardhurat neto, në të cilën shihet se ai 650 milionë dollarë, kurse McGregor ka 2.5 milionë dollarë.

“Para se të kërkosh 25 milionë dollarë, bëhu më i vlefshëm se 25 milionë dollarë. Ti ke ‘2’ dhe ‘5’ saktë, por ke menduar të thuash 2.5 milionë, jo 25 milionë”, ka shkruar ai në Instragram.

Mayweather nuk ishte i impresionuar nga oferta prej 25 milionë dollarë nga ana e White, duke thënë se asnjëherë në këto dhjetë vjet e fundit nuk ka fituar më pak se 32 milionë dollarë dhe e ka quajtur atë “ofertë tallëse”.

Ai ka thënë se nuk kthehet nga pensionimi pa ndonjë ofertë rreth 100 milionë dollarë.

 

Before you ask for $25 million, be worth more than $25 million. You have the "2" and the "5" right but you meant to say $2.5 million not $25 million.

A photo posted by Floyd Mayweather (@floydmayweather) on Jan 19, 2017 at 8:00am PST

© KOHA