Unitedi lider në mos konkretizimin e rasteve në Premier Ligë

17 Janar 2017 - 09:47      

Vazhdimësia prej nëntë fitoreve radhazi në e Manchester Unitedit u ndërpre të dielën, kur Zlatan Ibrahimoviq arriti të shpëtojë një pikë në përballje ndaj Liverpoolit, por Jose Mourinho duhet të jetë i shqetësuar për shanset që po humb skuadra e tij.

Një statistikë e bërë nga Opta tregon se “Djajtë e Kuq” janë ekipi me më së shumti shanse të pakonkretizuara nga rastet pastra për gol që ka krijuar, raporton Daily Mail.

United ka konvertuar në gol vetëm 32.43 për qind të rasteve të krijuara këtë sezon në Premier Ligë. Kurse në këtë aspekt më së miri qëndron West Hami me 62 për qind të rasteve të konkretizuara, dhe pasohet nga Liverpooli me 60 për qind.

Ndërsa sa i përket statistikës për më së shumti raste të krijuara të pastra për gol prijnë Liverpooli dhe Arsenali me nga 45, të pasuar nga City me 44. Kurse Unitedi ka 37 dhe Chelsea 36.

Kjo është lista e plota e këtyre statistikave nga Opta.

© KOHA