Rashica e Zeneli në 11-shen e javës në Holandë

16 Janar 2017 - 15:56      

Milot Rashica i gëzohet golit të parë të sezonit, që i ndihmoi ekipit holandez Vitesse, të shënojë fitore ndaj Twentes në shtëpi, dhe është përfshirë në formacionin e javës në Holandë së bashku me Arbër Zenelin.

Rashica realizoi golin e dytë, në fitoren prej 3;1 ndaj ekipit ku luante nga fillimi edhe Bersant Celina, futbollisti tjetër kosovar, në këtë ligë.

Miloti ishte njëri nga lojtarët kryesorë të skuadrës ndërsa pas ndeshjes ai ka vlerësuar paraqitjen e tij dhe të ekipit, transmeton KTV.

“Kjo është Vitesse që duam ta shohim në çdo ndeshje. Tash e një kohë të gjatë nuk kemi luajtur kështu, duke dhënë gjithçka nga vetja. Falë kësaj loje erdhi edhe goli im i parë që më jep shumë motiv për ndeshjet e tjera”, ka thënë Rachica, i cili deri para këtij dueli numëronte edhe 5 asistime.

Djaloshi nga Vushtrria për këtë paraqitje është përfshirë edhe në ekipin e javës në Holandë, ku janë edhe 4 futbollistë të skuadrës së tij, si dhe Arbër Zeneli, i cili me Heerenveenin, mposhti Hagën 2-0.

© KOHA. Të gjitha të drejtat janë të rezervuara.