Prishtina po e luan edicionin e fundit në Ligën Ballkanike

16 Janar 2017 - 08:32      

Liga Ballkanike në basketboll (BIBL) nga edicioni i ardhshëm do të mbetet pa njërën prej skuadrave më të suksesshme.

Kampionia e dy edicioneve të fundit, Sigal Prishtina, nuk do të luajë më në ligën ku këtë edicion paraqiten ekipe nga Kosova, Maqedonia, Shqipëria, Mali i Zi e Bullgaria, shkruan sot Koha Ditore.

Këtë e kanë bërë të ditur të dielën burime të gazetës brenda klubit të kaltër. Prishtina me shumë gjasa nuk do t'ia dalë të kalojë grupin në Ligën Ballkanike, por edhe nëse e kalon në fazën e dytë dhe në fund ia del të mbrojë titullin, prapë pritet të përshëndetet me Ligën Ballkanike, ndaj së cilës klubet kosovare vazhdimisht kanë pasur ankesa.

"Si klub e kemi fituar titullin në dy vitet e fundit dhe BIBL-i nuk na ka shpërblyer me asnjë cent. Kështu që me këtë edicion i vjen fundi paraqitjes në Ligën Ballkanike. Pritet që klubi të vazhdojë garat në Kampionatin e Kosovës dhe në gara evropiane, në FIBA Europe Cup apo në Ligën e Kampionëve. Synim për edicionin tjetër është të kalohet grupi në gara evropiane, gjë që nuk e kemi arritur në dy edicionet e para", ka thënë një zyrtar i Prishtinës në kushte anonimiteti.... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.