Hyseni sjell në Ferizaj përvojën e madhe nga Maqedonia

15 Janar 2017 - 08:43      

Genc Hyseni kishte bërë planin se si do të paraqitej më 13 korrik 2011. E kishte menduar edhe mënyrën e festimit nëse do të shënonte gol.

Por, ëndrra e tij për t'u paraqitur me fanellën e Shkëndijës së Tetovës ndaj Partizanit të Beogradit, në kuadër të raundit të dytë të kualifikimeve për Ligën e Kampionëve, ishte shuar, shkruan Koha Ditore. Hyseni tash 33-vjeçar nuk arriti të kompletojë dokumentacionin për t'u paraqitur në ndeshjen që Shkëndija e humbi 4:0 në Beograd.

"Planifikoja që të veshja një fanellë nën asaj kryesores. Kjo për mua do të ishte e veçantë, pasi do të bartte mbishkrimin Kosova. Dhe nëse do të shënoja gol, do ta zbuloja", thotë Hyseni.

Hyseni e pranon se do të ishte provokim i rëndë, por insiston se do ta bënte edhe pse do të barte rrezik të madh. Por kjo mbeti veç ëndërr. Thotë se i mbetet merak i jetës që nuk luajti në atë ndeshje... (Artikullin e plotë mund ta lexoni në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.